韓國女團TWICE台灣成員周子瑜，3月返台南參加學力鑑定考試並順利取得國中同等學歷，而多得韓國嘅新法制，提早到4月已經入讀韓國首爾翰林演藝藝術高中，同隊友多賢、彩瑛做校友。

雖然TWCIE依家上緊位，不時要缺席學校課堂參加節目、表演，但其實子瑜佢哋都有Keep住返學㗎。而難得見到藝人，當然要合照放上網晒吓，畀其他人葡萄吓喇，子瑜同多賢都冇托手踭，大方同同學合照。而佢哋都笑得相當開心，睇嚟同同學相處得好融洽。