「多福」系馬主劉耀棠一家非常錫馬，馬仔退役都會運往海外頤養天年，給予愛駒一個良好環境，唔似得有啲香港退役馬要送上大陸。

好似劉耀棠與兒子劉心暉名下之韓國短途錦標前冠軍「積多福」，近日已入住澳洲Living Legends牧場，不少前香港良駒如馬王「精英大師」、「牛精福星」亦喺此牧場養老，相信「積多福」都可安享晚年。

講起「多福」系馬，今日（8日）有沈集成馬房「盈多福」出戰第二場五班草地1200米。

此匹香港國際馬匹拍賣會馬身價520萬元，今季佢在四班有唔錯走勢，但可惜就係贏唔到，至今11戰未開齋，今鋪初次降入五班跑，形勢卻唔同晒。

盈多福試好大閘來出擊，狀態有水準，雖然劉耀棠唔喺香港，但據知佢囝囝劉心暉就會入場為愛駒打氣，隨時有機會拉頭馬。

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX