當年今日
關於我們

REVIEWS影碟:42"Plasma+2.1HiFi唔使1萬
攻城一刻勁過高價貨

蘋果日報 2007/02/04 00:00


臨近新年,一眾片商都有多套DVD等住推出,招呼一班餓咗好耐嘅戲迷,港產片方面,今個星期就由劉德華主演嘅《墨攻》最有睇頭,仲出埋一個以木盒做包裝嘅特別版,相信唔少戲迷都打算將佢帶返去慢慢煲,不過點煲先至最有味道?今個星期我哋就搵套平民化影音組合煲碟,睇吓$10,000樓下貨仔睇《墨攻》質素如何。
記者:許福合
攝影:楊錦文
未係高清 但經濟夠震撼
好多人都話睇DVD用42"電視啱啱好,畫面有番咁上下,不過無論42"Plasma定LCD-TV,名廠起碼2、3萬起標,真係唔係人人玩得起,今次介紹呢隻HPCPP-42SCPlasma電視,牌子雖然唔多Hit,不過勝在尺寸夠大,睇戲時夠壯觀,鍾意Plasma畫面嗰種立體感嘅戲迷會份外滿足,最重要係價錢只係$6,399埋單,呢個價錢同好多台製32"LCD-TV都有得比!價錢低自然唔可以要求咁多,佢未支援高清規格,解像度只有852×480,但基本功能齊全。
為令到睇戲有更佳享受,配番個TEACDR-H300,就可以有靚聲靚畫,以同類微型組合來講,備有HDMI介面甚為少見,畫面能輸出1080i及720p,聲音方面就可以大玩DTS、DolbyDigital,試碟時覺得整體聲音雖然柔和不足,不過對於《墨攻》描寫戰爭場面為主電影,較「硬」音效又有另一番唔同效果,尤其千軍萬馬,戰鼓響起之時,的確氣勢非凡!唔知係咪令用家更方便襯電視,機頭有銀同黑色可選擇,着重外觀戲迷亦照顧得到。
查詢:阿二無線電(23936381)
empty
●42"PP-42SC畫面夠晒大,不過未支援1080p高清播放。
empty
●機頭有黑同銀色,可以襯埋電視顏色來配。
「暖1」是攻城最佳設定 可惜無NR
講到最佳畫面設定,仍然嗰句,好睇自己心頭好,不過基本上仍然係先設定好色溫,PP-42SC本身提供有標準同多組設定,睇《墨攻》時,標準色溫略為偏黃,畫面唔多靚,但轉上用「暖1」設定,效果都幾好,再來就要數到亮度,因為唔少片中場面有「爆」情況,最好略為調暗,而全片基本上光度適中,唔會有黑到睇唔到嘢情況!
有影音發燒友睇到《墨攻》畫面,就話「畫面始終唔及荷李活電影。」細問之下,原來佢指畫面唔得滑,即係多Noise,於是筆者就打算開埋NR睇質素,可惜PP-42SC並無提供呢個功能,其實全片只係某幾個段落畫面較粗,整體尚算不俗。
empty
●雖然無HDMI,不過有齊RS232C、DVI同D-Sub,都叫收貨喇。 
empty
●遙控同電視介面都有中文顯示,唔怕㩒錯。
色溫比較
empty
●畫面顏色唔夠鮮,未夠靚。
empty
●顏色比較搶眼,整體畫面比較豐富。
empty
●光度調校要因應室內燈光,一般28已經好柔和好睇。
故事以戰國為背景
全片基本上係劉德華個人騷嘅《墨攻》,故事背景遠在二千三百年前戰國時代,當時身為墨者的劉德華,應小國梁城梁王要求,前去協助防守趙國攻擊。其實趙國目標並非這個小城,十萬兵馬原本攻打燕國,只係想「順手」將梁城收服。梁王原先希望墨家能派出抵擋十萬大軍精兵協防,誰知來嘅只係單人匹馬嘅革離。無可奈可之下,梁王惟有請革離做主帥,革離果然有真材實學,利用火攻、地形及不同戰術,屢屢將趙兵擊倒,令梁城上下尊敬佩服,只有一個人例外,梁王怕軍民皆向革離,自己地位不保,於是對革離大起殺機!
empty
必試位
買咗隻DVD,梗係想知有咩位置係必睇必試,以下就逐一話你知!
兵臨城下
趙軍人強馬壯,十萬大軍壓境,難怪梁國上下嚇到幾乎要獻城。
empty
民眾逃難
由於強弱分明,加上梁王聲譽麻麻,收到消息趙國要攻城,老百姓自己亦要走難。
empty
迫做卧底
走難嘅人之中,有人唔好彩被趙軍發現,並以妻兒做要脅,被迫做卧底,探索軍情。
empty
大軍攻城
趙軍終於進攻,不過梁軍得到革離領導指點,亦守得有板有眼,並非全無還手之力。
empty
獲得民心
老百姓最實際,邊個有能力保護佢哋自然獲得尊敬,革離係擊退趙國功臣,更捧為英雄。
empty
夜探敵情
為咗查探趙軍布陣,革離同逸悅夜探敵陣,被發現後被追至跳崖,逸悅差點浸死。
empty
挖地攻城
正門攻唔入,趙國改走地底,預先挖地道,不過因為被革離得知,反中埋伏,傷亡慘重。
逃離梁城
梁王因忌才而起對付革離之意,免他威脅自己地位。革離得到太子協助,終逃出梁城。
empty
趕盡殺絕
革離逃出後,對於曾經對革離示好嘅人都被清洗,而逸悅更慘遭割喉之刑。
empty
空降趙軍
估唔到趙國咁「先進」,竟然派出傘兵,不斷射火箭,掩護趙軍進攻。
empty
普通版
DVD$95
木盒特別版
DVD$99
查詢:DVDPro
(23326326)
empty