美國白人警察在制服黑人男子時，跪於疑犯頸部8分鐘之久，最後該男子死亡，事件引起美國爆發示威浪潮，多個地區更發生警民衝突。吳志森今日於其YouTube Channel《森直口快》中，跟網民探討美國警暴和香港警暴的分別。

吳志森先跟網民探討在警暴問題上，美國政府與香港政府的分別，他說：「特朗普態度非常強硬，佢嘅講法係讉責示威者係掠奪者同埋無政府主義者搞事，佢話示威同呢位黑人嘅死亡無關，係唔會讓暴民得逞。」他表示在處理警暴問題上，特朗普的態度跟香港政府不遑多讓，就如獨裁政府思想一樣，以為以強烈的手法鎮壓就可解決因警暴問題而發生的示威浪潮。吳志森指雖然特朗普的態度強硬，但因為美國是個多元、民主的國家，故情況不像香港般惡劣：「有民主、共和兩黨喺唔同州執政，所以制行力量好大，制行力量包括嚟自傳媒、司法當局、立法當局等。」

及後吳志森又探討美國警察跟香港警察面對警暴問題的態度，他表示由於美國居民可合法管有槍械，故示威時所產生的暴力問題亦較嚴重：「示威者都唔客氣，會燒警車、政府建築物，亦有燒警局嘅情況，示威者亦有好利害嘅武器包括槍械，所以警察對佢哋都唔客氣。但係另一方面又睇到，美國真係一個好多元嘅社會，連警察態度都好多元化，例如警察有同示威者一齊拎一啲標語，就係『結束警察暴力』標語，亦有警察同示威者一齊遊行，仲係由警察帶頭行。」

他指經歷香港過去的一年，見到此等畫面真的會覺得匪夷所思：「警察竟然向示威者示弱？警察竟然同示威者行埋一齊？喺香港早已經革走咗九萬年啦。」之後吳志森又提到「白警」問題，他坦言表示不相信現時警隊內還會有「白警」的存在：「經過一年時間觀察，今時今日仲留係度，嗰啲都唔係啲咩白警。正如有啲律師朋友同我講，係DOJ入面，即係律政署負責檢控嗰班，好人有限啦全部都，你好人都走晒啦！我都同意呢個見解，因為係頂唔順㗎，你點樣可以眼白白見到啲檢控同事，用盡所有辦法將個大好青年將佢收監。」

比較完兩地後，吳志森表示雖然美國的暴動問題席捲全美，不過由於當地社會比香港多元化，故他有信心問題很快會被平息，美國社會亦會很快復原。

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新