講完汀九鬼古,思敏未夠喉再講親身經歷,唔關車事,但好鬼恐怖。話說有一次思敏同屋企人去布吉旅行,佢就同個妹同房孖鋪,點知瞓到半夜三更,個妹突然扎醒大嗌一聲,思敏問佢咩事,佢只係話:「冇,發噩夢,我可唔可以拖住你瞓?」之後兩姊妹就拖住瞓啦,瞓瞓吓,佢個妹失驚無神成個彈起,仲猛話要過阿媽房瞓,最後兩個就一齊去咗媽咪房瞓。
第二朝思敏問番妹妹噚晚到底咩事,阿妹就話:「噚晚瞓瞓吓我聽見有人喺耳邊話:『我喺你哋中間呀……』所以我咪拖住你唔俾我哋中間有空位囉,點知隔咗一陣,又再聽到多咗把聲話:『唔好壓住我呀……』!」嘩,聽到都毛管戙!