由韓劇《我係金三珣》女星金宣兒夥拍甘宇成主演嘅SBS新劇《能先接吻嗎》，噚晚播出第17、18集，港劇迷可於Viu同步追看。

承接上集劇情，甘宇成向金宣兒提出一齊生活及結婚嘅要求，同時結尾亦透露咗甘宇成因癌細胞擴散只剩三個月命。噚晚就講到甘宇成接咗金宣兒返屋企住，不過佢因為得知金宣兒為錢而想結婚，所以對佢好冷淡，同時金宣兒就提醒甘宇成要考慮清楚先結婚，唔係將來就後悔，不過甘宇成就話：「因為係你，正因為係你，我先選擇結呢個婚，我就係要同你結婚。」金宣兒着上性感內衣打算誘惑甘宇成，但甘宇成就好似完全唔感興趣，令金宣兒大表不解。

甘宇成將自己即將會同金宣兒結婚一事話畀前妻知，甘宇成仲同前妻透露：「十年了，我對佢(指金宣兒)一直視若無睹。0依家哪怕係一天，我都唔能夠視若無睹了。我嘅沉默，搞砸了佢嘅人生。」

金宣兒向出差嘅甘宇成講出自己覺得孤單嘅感受，甘宇成即問佢要唔要搞婚禮同埋做婚姻登記。而甘宇成嘅前妻就去咗見金宣兒，仲同金宣兒講甘宇成因為負罪感同埋可憐佢先會同佢一齊，希望佢可以離開甘宇成。金宣兒終於回想起以往曾經同甘宇成見過面，但只記得喺飛機同埋動物園見過甘宇成，佢問甘宇成係唔係還有喺另一度見過面，甘宇成就話事機到會話畀佢知。

而結尾，金宣兒同甘宇成穿上禮服，二人終於結婚了......

噚晚《能先接吻嗎》兩集收視分別係8.8%及11.1%，繼續穩坐同時段收視冠軍，而MBC新劇《偉大的誘惑者》播出第5及第6集，以2.6%、2.9%收視，排同檔第二名；KBS嘅《Radio Romance》錄得2.6%收視，包尾墊底。

另外，《能先接吻嗎》噚晚播出第18集中，當中結尾以旁白形式讀出詩人李萱嘅部份內容，疑劇組事前未得李萱本人同意，今日李萱本人就喺網上直指佢嘅詩詞被人偷用，事後劇組即喺官網公開道歉。

更多韓流，喺晒《娛果》
http://fb.com/appledailyent