美國樂壇天后麥當娜（Madonna）下星期就殺到來港，佢兩場泰國騷就前晚喺曼谷開鑼，好多樂迷都落足心機打成娜姐嘅經典造型去睇，嚟到泰國更加有唔少人妖扮成娜姐睇騷，全場氣氛都好熱鬧。

以往每場騷娜姐都會請位嘉賓上台一齊表演，雖則台北唔見有呢個環節，但去到泰國就見娜姐請咗一名變裝嘅肥仔上台，呢位一頭金色假髮配襯露臍裝兼黑色穿窿魚網絲襪嘅易服男，喺台上大顯舞技，跳到跪晒喺地，仲揈到連假髮都甩埋，要幾位舞蹈員夾手夾腳幫佢戴番個假髮，睇到娜姐都好開心，而最後娜姐都有拎泰國國旗上台揮動。