註冊教育心理學家區愛娜表示，因幼稚園沒有紀律概念，小朋友升上小一需要時間適應，若一開始要求過於嚴厲，會令孩子在適應上造成壓力，從而出現情緒問題，如焦慮及不想上學。惟她提到，開學後約一個月，一般學生已可適應。「小一學生始終太細，小朋友聽指令冇咁快有反應，可能要等半分鐘先跟到，如果老師冇耐性，會對小朋友造成好大壓力」。

教師需有經驗

她指教導低年級的小學生，教師可以不斷重複指令，說話嚴厲但姿態要顯示關心，「指令要清晰，但說話唔好刻薄，最緊要唔好講傷害性同侮辱性嘅說話」。
教育專業人員協會主席張文光表示，任教小學一年級的教師需具一定經驗，並要因材施教。對於不許學生上廁所，他認為老師也有難處，「小朋友有時舉手去洗手間未必真係有需要，但如果老師阻止，最終學生拉尿會被同學嘲笑，對小朋友嘅自尊會造成極大傷害，但一個去（洗手間）就個個都去，老師都好煩惱，唔知真定假」。他建議老師與小朋友交談時，應多些溫柔和體諒。「小朋友覺得你疼惜佢，教佢就容易好多」。《蘋果》記者