連詩雅今日喺旺角出席MV首播活動，而MV中男主角係佢舊同學。連詩雅話佢正籌備個人音樂會，但因為個騷得個幾鐘，所以唔會請嘉賓上台。

至於曾傳緋聞嘅關楚耀，連詩雅冇耐之前先至俾對方女友公開鬧爆，唔知係咪因為咁喇，所以連詩雅話個騷唔會請關生做嘉賓。佢解釋話唔係怕惹是非，因為傳聞唔係真，冇嘢怕喎，仲話最近真係好忙，所以少聯絡。