46歲的關淑怡（Shirley）前日在fb留言「不想活」後，這兩天人間蒸發，昨日記者在Shirley屋企樓下守候，但不見她的蹤影。本報多次致電Shirley，她也沒接聽電話，幸Shirley經理人王敏慧透露Shirley昨已致電家人報平安，王敏慧說：「佢唔喺香港，出咗去散心，冇事嘅，只不過早排有朋友令佢唔開心，藝人通常都比較情緒化。」她透露下周Shirley要為新碟錄音，明年初在紅館開騷，工作不變。

黎明擔心

不少當年跟Shirley同是寶麗金的歌手均很擔心，黎明昨透過經理人回覆說：「我冇睇fb，唔知真定假，但Shirley係好堅強嘅女仔，呢個世界冇嘢解決唔到，如果佢有呢個念頭，希望佢用正能量面對。」身在英國的黎瑞恩也在電話說：「幾個月前見過面，佢冇話唔開心，希望佢冇事，只係匿埋一陣。」湯寶如則說：「嚇死我，佢好多愁善感，成日鑽牛角尖，希望佢放鬆啲。」湯記將於12月在紅館開騷，她坦言想找Shirley做嘉賓。譚詠麟也在微博慰問Shirley，表示世上沒解決不了的事。
據知年初Shirley曾跟金牌大風傾約，惜最後不了了之，金牌高層朱先生承認：「金牌想簽埋經理人合約，但Shirley有自己諗法，大家方向唔同。」採訪：王崇穎　攝影：彭琮然