出道7年嘅韓國男團BEAST早前約滿所屬嘅CUBE事務所，有指佢哋唔會續約，會另開新公司自己話事。

今日韓國方面就傳來消息話佢哋將同喺JYP出身嘅製作人成立自家公司，佢哋亦都為新公司著手做準備，除了團體活房外，亦會喺電影、劇集、綜藝等方面發展。

對於BEAST將另組新公司，CUBE方面就話：「雙方還未有任何決定，仍然持續商討中。」

另外，BEAST嘅尹斗俊有望出演tvN新劇《内向的BOSS》，劇中尹斗俊將飾演怕醜嘅廣告代理公司嘅老闆，劇集將於明年1月播出，尹斗俊方面就回應話確實已收到相關提案，但仍喺討論階段中，一切仍未確定。