早輪話香港要「去殖化」嘅全港港澳研究會會長陳佐洱，原來日前喺北京同千福BB見面。如果唔係全國港澳研究會喺網頁公佈，大家或者都唔會知，陳佐洱唔介意「勾結」外國勢力喎。

研究會喺網頁話呀，陳佐洱同夏千福就住香港當前形勢，同香港未來嘅發展方向進行交流；睇見佢哋言談甚歡嘅會面相，相信佢哋都幾啱傾，八方當然最想知，佢哋有冇傾埋「去殖化」問題？

美國駐港領事館回應傳媒查詢時就話喎，千福BB稍後仲會同處理港澳事務嘅內地高官員交流，但冇透露具體詳情，唔通都係密實啲好？