【多到清唔晒】陳健安應邀上山執垃圾 獅子山打大佬
蘋果日報 2020/03/02 17:00
垃圾陳健安獅子山
為了對抗武漢肺炎疫情，專家提倡減少外出，不過屈在家中太耐缺乏運動又悶，大量香港人不約而同到各郊區行山，令郊區人流密集過市區，更令大量垃圾「滯留」在野外。
陳健安（On仔）在IG透露，他與另一樂隊Nowhere到獅子山接載「滯留」的垃圾返回垃圾站。On仔說這次是Nowhere Boys主音Van邀請兼統籌，又負責買手套、垃圾袋、夾等，同行約15人一齊前往獅子山。On仔說出發20分鐘後便心知不妙，休息時放眼望出去「嘩」了一聲：「咁快打大佬？心入面開始盤算，真係執？然後又諗，越無人行入去就更加要走入去執，總要有人去執，況且今日目標清晰，唔係嚟嘆風景。」
On仔又指半個人高的垃圾袋，好快就裝滿七成，估計約重10幾磅，但仍要行多3個鐘才完成行程，最後眾人攤分垃圾減輕重量。最可怕一幕在行山的尾聲，On仔說見到山坡下有大量垃圾，原本打算爬落山坡清理，但最後都要投降，他說：「諗住盡執，到真係行埋去，發現好污糟，又有好多飛飛，確定我哋自己無眼罩，唔夠gear，就惟有放棄。」
一眾人落山後再行半小時才找到垃圾站，On仔自嘲執完垃圾好污糟：「好想返屋企即刻沖涼，又唔想搭任何交通，因為覺得自己污糟，怕整污糟人哋㗎車。」他最後提醒所有行山人士要互相尊重，行山要自行帶走垃圾。
《果GYM》隨身播 健身壹App過！
On仔透露之前應Nowhere Boys主音Van邀請上山執垃圾。（IG圖片）
拎住10幾磅垃圾行山，行到攰當然要休息，不過休息中途放眼又是垃圾。（IG圖片）
（IG圖片）
一行人落到山，再行半小時才找到垃圾站。（IG圖片）
（IG圖片）
（IG圖片）