出爐視后胡定欣今日喺紅磡出席海逸坊商場活動,定欣玩遊戲之後,獲贈一盒兒童顏色筆,佢笑住話:「keep住先,等啲筆乾前用到。」
問到佢有冇結婚生仔嘅諗法?佢就話:「真係冇,有朋友幫我睇紫微斗數,話我今年有夫妻宮,身邊姊妹即刻起哄。0依家真係冇打算,一劇接一劇,個期去到年中。」
定欣仲透露0依家計劃舉行「胡說八道」音樂會,希望今年能達成願望,佢話:「我同智雯鍾意跳舞,個個都唱得,開始plan緊,唔使好大型,幾千人嘅音樂會,希望可以實行,唔好得個講字。」
定欣仲話希望搵單立文,為佢哋作一首屬於呢個會嘅歌。問佢擔唔擔心太忙嫁唔出?定欣話:「唔驚,好多嘢想做,趁後生,音樂會重要啲。」