港人在外遇上意外嘅「救星」劉楚釗(圖)醫生,昨獲醫管局委任為港島東醫院聯網總監,同時擔任東區醫院及黃竹坑醫院行政總監,5月1日履新,年薪逾200萬元。被稱為「飛行醫生」嘅劉楚釗93年東區醫院開院時已做急症室主管,現為東區醫院副行政總監,喺急症室打拼多年,終於成為醫院揸弗人。
04年台灣旅遊巴士意外、南亞海嘯、08年四川地震同去年馬尼拉人質事件,港人在外地受重傷,港府都急派劉楚釗到當地救援,佢亦係飛行服務隊首批高級航空醫生,醫管局盛讚劉楚釗係推動院外緊急醫療救援工作「先驅」,又將「急救服務」提升為「急症專科」。