美滙造底之訊號越來越明顯,相信在現水平反覆多數天,便可進一步確認。市場對QE2令美滙貶值的看法已過份悲觀,QE1的推出,有否令美元大跌?極其量也只令美滙指數跌至74水平,但往後的上升也能重上89。
若然,QE的威力真的這麼大,就不會有QE2!半年前推QE1,大家何嘗不是狂喊通脹來臨,但上周五伯南克竟然話通脹不嚴重,通縮才值得提防!
除非今次的量化寬鬆大於第一次,否則,作用只是杯水車薪,一出就很快現形(冇用!)。
現時市場資金正手持大量資產,等緊伯南克宣佈,情況就好似2007年10月,全市場揸住一啲極昂貴的股票,等緊直通車開行;揸住中國石油(857)等緊在A股上市之時,股票升上40元(一廂情願),到時就發達。
但中期選舉已越來越近,點解到現在仍未宣佈?等吓等吓,會否選完之後才公佈呀?
唔緊要,始終會公佈的,到時就發達啦!因為一定唔會唔推行的。人人都係咁講啦,到時嘅股市自然會上升,話之你通脹、滯脹還是吹脹!
沈振盈
作者為證監會持牌人士