剛過去的沙田及跑馬地開鑼戰，都發現眾多後上馬取勝的成功例子。谷草B欄以往特色同樣可飛出大外檔追，但如穩守三、四位包廂位置，入直路一樣有位移出望空，可算是偏差較少的賽道。

雖然季初出馬較少，亦沒有太大場地偏差，但爆冷門場合也多，三揀一彩池都開了四場A3其他冷門。

季初階段，不少捧場客可能只參考賽前試閘情況，來斷定馬匹狀態，但現時暑期短，唔少上季尾狀態良好的賽駒，能承接到今季初。

馬匹有狀態，但騎師經過一個暑期，未必在頭幾期賽事能展現最佳狀態，普遍華將成績較佳，剛戰（5日）巫顯東策騎「最驫」值得一讚，過往此駒較重口，難以駕馭，但今仗出閘稍慢，巫顯東順勢留後，直路移出大外檔展開強勁衝刺，賽後沈集成也大讚徒弟上季只是傷腳，沒有傷及腦袋，發揮一絕，但個人認為從化馬場的訓練，是最大功臣。

回說今次賽事（9日），第三場三班1600米，留意徐雨石馬房的「蒙古傳奇」，此駒上季初出於強組1600米賽事，最後直路穩步上前，落後「跳出香港」、「幸福分享」及「紅衣優駿」兩個半身位，其後縮程跑1400米直路未能望空，但仍肯追上，今季初出希望有新鮮感下能交出好表現。

第五場四班1200米，「帶榮來」賽前泥閘慣注有力，田泰安緊扣韁繩過終點。上季勝出弱組賽事其後表現不濟，季內初出望可憑新鮮感搭夠！

「陽明亮亮」亦於上季尾顯露鬥心及能力，輕磅兼呂健威與何澤堯這對組合強勢，值得高度留意。「安喜」上季初有好表現，博牠會在季初出擊。