Selina(任家萱)2010年10月喺上海拍電視劇，一場爆破戲中發生燒傷意外，當時仲係張承中不離不棄，喺浴火第376日後，Selina喺近千名賓客見證下嫁俾張承中。

據了解Selina喺復健期間，阿中為咗方便照顧佢，每晚都瞓房門口。Selina復健路十分艱辛，身體同心靈都受盡折磨，一度意志消沉，連家人都恨，佢話：「覺得你們沒有阻止我去拍戲。」首當其衝當然係每天陪喺佢身邊嘅阿中，Selina嫉妒佢可以返工、可以跟朋友聚餐，羨慕佢關節靈活，佢講過：「我好想可以跟正常人一樣去工作、去KTV唱歌，但為何我都不可以？所以每個可以的人我都恨，越親近的人越恨，我覺得你們為何沒阻止我去拍戲？爸媽、阿中我都恨」。之後她走出心魔，同阿中修成正果，多年來兩公婆都被視恩愛佳偶，如今突然離婚，網友同粉絲都十分震驚。