【發媽離世】母親晚飯後睡夢中逝世 周聰玲感安慰：算係福壽全歸
蘋果日報 2020/03/07 18:45
周聰玲發媽陳麗芳
周聰玲媽媽陳麗芳於上月13日在睡夢中離世，享壽98歲。發哥胞姊周聰玲接受《蘋果》訪問，她語氣平靜說：「走咗喇！搞掂啦！搞掂咪OK。」玲姐表示媽咪離開時自己沒在身邊陪伴：「我哋個個都好獨立，唔係一齊住，佢之前老人病唔舒服，入咗養和，我都有隔日去探佢，之後出咗院返屋企休養，13號嗰晚食完飯，第二日係情人節，之後佢返房睡覺，瞓瞓吓就走咗，工人打嚟通知。」
玲姐坦言家人心情平靜：「98歲，天地人都101歲，算係福壽全歸，瞓覺走係福氣。」問到玲姐媽咪身體有何毛病？她說：「聖誕節嗰排唔舒服，都係啲老人病，嗰時我忙緊搞喺粉嶺舉行嘅攝影展，所以只可以隔日去探佢，之後康復出院，有工人照顧佢，都冇話有咩唔舒服，我就冇去探佢喇！」玲姐又指弟弟周潤發個性低調，所以沒有通知朋友，喪禮也是低調舉行。
