衛蘭師弟兼唱作新人洪嘉豪今日喺商台宣傳新歌《半天空檔》，佢話呢首歌自推出以來，反應都好好，所以之後佢都會繼續寫歌，不過未知會唔會出EP。講到今年年尾角逐新人獎，問佢有冇壓力？洪嘉豪話：「壓力唔係來自有冇獎項，反而係要唱live表演。」

張敬軒曾經貼文激讚洪嘉豪係一位「有着無限潛能和爆發力的音樂人」，會唔會向對方請教？洪嘉豪表示：「好多謝佢，我一直有喺音樂上請教佢，點樣做音樂製作同錄音，前晚先睇佢嘅演唱會，好感動，係我其中一個最鍾意嘅演唱會。」有冇幻想自己有一日喺紅館開個唱？佢笑住話：「呢個係好多歌手嘅最終目標，對我嚟講係好遙遠嘅事，如果有呢個福氣、運氣同能力，我就開心喇！」

攝影：

精選娛聞，喺晒《娛果》
http://fb.com/appledailyent