葉劉昨回應預算案,一開始便批評「冇新意、冇亮點」、「同過去差唔多」,指曾公關技巧聰明,「佢站喺香港仔嘅立場發表好多感嘆」,當記者問到曾俊華是否熱身選特首,葉劉稱選特首不能只靠「賣口乖」:「你(曾俊華)既然咁關心香港青年人,咁應該反省吓你做咗8、9年財政司,大學生出來嘅starting pay有冇增長到?」
記者追問會否支持曾做特首或有否把她嚇退,葉劉說:「我哋講預算案,唔好太多節外生枝嘅猜測。」新民黨田北辰指曾在預算案最後提到,去年以facebook與年輕人多交流,葉劉聞言即時說:「我個fb都開咗7、8年,個page有成6萬5個followers,係咪?我下個月帶150個大學生去泉州,係咪?我諗(開fb)唔代表乜嘢,每一位從政者都應該關心年輕人。」
■記者姚國雄