TVB今日召開股東會，主席陳國強及副主席黎瑞剛均有出席，42億元的回購計劃被指是以公司資金變相為陳國強、黎瑞剛等人持有的Young Lion（YL）免費增持，陳國強回應指，「呢個係大家公平架喎，你比我都可以選擇要現金，如果大家都選擇現金，我股權係冇增持，係大家一個好公道選擇。」

他更說，「或者我都想選擇現金」，指YL於公告中表明不選擇現金是由於董事會逼YL立刻決定，「我地基本上故唔想表態，我地都想係股東會表決後先表態。」又指，如今的做法是「冒左風險嚟早啲表態」，如果市場一旦轉差，「我都想收現金架！」

陳國強提到，回購方案由TVB董事會提出，YL的立場是不投票，「等你地其他股東決定，有啲人反應大得滯，我地係有股東會等佢地去投票、去表決贊同或不贊同，如果你唔贊同咪係股東會上發表唔贊同，贊同咪贊同，呢一個係好自由嘅行動。」

「我地冇話一家做得到架，都話要subject to 證監嘅批准，拎到個Whitewash wavier(清洗豁免)，所有其他股東贊同，又冇話一意孤行，我地想一意孤行都行唔到」。

他一再指，「如果所有股東投票反對，我地都做唔到架，係一個好自由嘅投票制度」，又指剛才的股東會上有很多股東都贊同回購。

TVB第二大基金股東Silchester早前表明反對回購計劃，直斥TVB「回購站不住腳（Untenable），應該取消」，更呼籲TVB改派9.6元的特別息。Silchester近期更密密增持，最新持股量升至16.39%。

記者：梁偉聰

掌握財經地產資訊，即Like「蘋果ATM」fb專頁啦！
http://fb.com/appledailyatm