周汶錡赤祼拱橋直通情慾禁區
《挑戰高難度》周汶錡身穿bratop擺出高難度瞓地拗腰甫士,十分誘人。
《裸身情挑》赤裸上身的周汶錡以手輕掩胸部,惹人遐想。
《○三年一脫驚人》周汶錡曾與Rosemary(中)及歐陽妙芝(左)等赤裸相擁合照,出版慈善畫冊籌款,但她事後指照片曾經電腦改動。
《○五年誘惑大使》周汶錡擔任Bella代言人期間,多次穿上性感比堅尼示人。
名模周汶錡(Kathy)近年是非與緋聞同樣精采,先後被指整容及隆胸,被拍下夜會國民黨前主席連戰之子連勝文的照片後,又與中年男士蹺手、蒲吧攬仔、與外籍型男蘇豪激吻等,盡顯其開放性格。
而Kathy為雜誌及廣告拍攝的照片,亦堅守其豪放作風,性感程度愈來愈大膽,計○三年底與名模Rosemary半裸合照後,早前應台灣男士雜誌《君子雜誌》邀請,擔任復刊版十月號專輯女郎時,亦拍下一輯極盡性感的照片。
Kathy在照片中穿上火紅色束衣、黑色泳裝甚至赤裸上身示人,她強調拍攝時毫不尷尬,Kathy說:「因為我同J.C.已經合作過好多次,之前我出嗰本結婚書《MyDreamWedding》,同今個月台灣微風廣場嘅廣告相,都係佢影,我對佢嘅眼光同技術好有信心,大家講求信任。」
Kathy在其中一輯照片中,穿上高踭鞋及性感bratop,擺出瞓地拗腰的甫士,加上閉目半啟朱唇的表情,意識大膽誘人,她表示攝影師提出有關甫士時,本來也甚為抗拒,其後亦一度想抽起該輯造型照。
Kathy說:「太令人有遐想喇,好大膽唔敢做,後來試影,影嗰時已經好辛苦,因為個地又硬,着高踭鞋又要昂高頭頂住地,影到我頭痛同腦充血,真係暈暈哋。好彩平時做開瑜伽柔軟度夠,後來見出嚟嘅效果好有藝術美感,好似外國時裝專輯咁,所以都揀咗登。」
問到Kathy會否擔心成為一眾男士的性幻想對象時,她即時說:「冇所謂啦,呢本係男仔雜誌,係性感啲,就算係女仔雜誌,都一樣㗎!正面啲角度去諗,做model應該更加可以放膽去試唔同嘅嘢,只要啲相係靚嘅我都OK。」
Kathy更笑言這輯相仍未到其終極性感界線,她說:「以前自己係白淨啲、sweetsweet嘅,𠵱家就想試吓突出啲嘅風格同味道,cool啲、型啲,咁啲品牌見你多變化,都會多啲廣告客戶啦。」
採訪:林妙萍、李珮洳 相片提供:J.C.