當年今日
關於我們

【藍絲帶頒獎禮】有村封后與吉田羊母女檔上台領獎

蘋果日報 2016/02/09 06:00

有村架純大泉洋吉田羊本木雅弘奇蹟補習社藍絲帶電影獎

早已公佈賽果嘅第58屆日本藍絲帶電影獎,今日喺東京舉行頒獎禮,由去年影帝影后淺野忠信與安藤櫻擔任大會司儀。今屆影帝影后分別係《投靠女與出走男》嘅大泉洋跟《閃爍的愛情》、《奇蹟補習社》嘅有村架純,本木雅弘則靠《天空之蜂》、《日本最長的一天》奪得最佳男配角,女配角就落入《奇》片嘅吉田羊手中。

將滿23歲的有村架純首度封后,佢同喺《奇》片飾演佢媽咪嘅吉田羊一同上台,有村發表得獎感言時話:「我仲未真正感受到已經成為影后,能夠與吉田羊母女檔領獎,好開心。呢個獎項唔單止係靠我個人力量,仲要靠工作人員嘅努力,好多謝大家,今後我會繼續努力。」講完之後,吉田羊仲大叫有村喺電影入面嘅角色名話:「沙也加,講得好。」