韓劇《太陽的後裔》嘅「雙宋」雖然於噚晚舉行嘅「第52屆百想藝術大賞」中失落視帝視后，不過二人都齊齊奪得人氣獎。宋仲基憑劇集上位當男神，人氣就當然勁，近日佢去咖啡店就被女圍同集郵，幸運粉絲當然即時放上網晒命，又留言：「宋仲基很開朗地對我笑，太高興啦！」

另外，「雙宋」嘅老友、《六龍飛天》男星劉亞仁噚晚就封視帝，風騷嘅佢於後台就走去跟《請回答1988》一眾主演惠利等人合照，唔知佢會唔會公開跟「雙宋」嘅後台照呢？

另外，宋仲基原定聽日去上海舉行見面會，不過因為場地問題而要延期，而男神本來今日喺上海嘅品牌活動，都宣佈取消。