秋意正濃，又係一年一度睇紅葉季節！去年每百日圓兌港元只有6.4算，哈日族食正平YEN去睇完紅葉滑埋雪都得！不過今年日圓升呀升，唔經唔覺今日見7.65算，比起上年貴近兩成！

專營日本旅行團及套票的東瀛遊（6882）今年11月紅葉團價單就出咗喇！以港人最愛大板京都奈良5天團為例，索價7100至7800大元；而東京5天紅葉團就要6500至7000大元。

東瀛遊執行董事禤國全表示，雖然日圓貴了近兩成，但由於航班數量增加減低成本，與日圓升值互相抵銷，所以紅葉團團費與去年相約，由6100至9000元不等;報團情況亦理想，11月出發的紅葉團已經滿七成。

至於12月及1月出發的冬季滑雪團酒店成本因日圓升值而增加，所以團費亦較去年調高約3-5%，不過由於滑雪團數量較紅葉團少，現時名額已經七成滿，反應相當熱烈。

他認為日圓雖然升了不少，但對於港人而言仍然不算貴，一碗拉麵仍然是六十多元，所以沒太大影響遊日需求。至於遊日消費方面，他舉例指過去兩夫婦去一轉日本會兌2萬元港紙，而家都係兌咁多，只不過以日圓計銀碼會較少。至於會否有客人換碼去韓國，禤國全指，日本與韓國的客路唔同，見唔到客人會因日圓升值而棄日投韓。

掌握財經生活資訊，即Like「蘋果ATM」fb專頁啦！
http://fb.com/appledailyatm