林耀聲、馬志威與楊柳青今日於九龍灣為電影《入鐵籠》宣傳，楊柳青在戲中飾演巴西柔術教練，她說：「本身我係唔識嘅，我只係有練習拳腳，今次係專登去學，學咗10幾堂，都幾鍾意，因為呢個技術好近身，女仔學咗可以保護自己，內在嘅自信會大啲，我有打開拳，所以易上手。」

提到近況，楊柳青表示剛拍了兩部電視劇，分別飾演秘書與女警，她說：「今次做madam唔使點樣打，因為係重案組負責查案，我覺得電視劇嘅觀眾未見到我打嘅一面，我都想畀觀眾睇到。」問她是否想展示一下身手？她說：「都想㗎！我係做武打演員。」

而馬志威指戲中與楊柳青飾演情侶，但他竟拒絕導演要求的親熱戲份，他說：「因為講大家拍咗拖好耐，正常情侶拍拖咁耐都唔會太親熱，所以我就同導演講可以cut咗佢。」問他是否怕女友呷醋？他說：「唔理得咁多，拍戲唔需要問佢。」

至於問林耀聲拍親熱戲要否問准女友張沛樂（沙律）？他說：「都會同佢講聲嘅。」而身旁的馬志威即爆料說：「我去做gym嘅時候都會見到佢哋一齊，好sweet。」林耀聲又透露拍戲時腳趾扭傷，但他一於少理，他說：「我由細到大踢波都有扭傷撞傷，呢個好小事，唔使睇醫生。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef