容祖兒（Joey）今日喺尖沙嘴出席名錶展，睇到咁多名錶，自然令人聯想起守時話題，Joey話：「我細個冇咁守時，大個好好多，拍拖初期好準時，唔係話o依家唔準時，係大家夾咗，唔使等咁耐。」記者取笑Joey同男友劉浩龍（師兄）夾慣夾熟，已經係「老夫老妻」，Joey顯得有啲抗拒：「唔好用呢啲名詞，我最多等師兄兩、三分鐘，佢係好準時嘅人，我可以公開講呢個係佢大優點，係佢影響咗我。」

Joey話冇儲情侶物品，佢話：「我哋好環保，好多嘢一齊用，我又成日揸佢㗎車。」近日娛圈多喜事，Joey最開心聽到周汶錡再懷孕，咁幾時輪到Joey？佢即答：「我有喜訊會通知大家。」咁會唔會先有後婚，Joey再話：「我唔會保證一定會定唔會，但有啲嘢會有時序，我係傳統人，希望組織家庭先有小朋友。」

同場嘅麥子樂自爆跟女友分手兩個多月，他強調鍾意自己多過女友，但否認拍咗斷背戲而轉性向。