【李八方online】何君堯重新定義成語「害群之馬」
蘋果日報 2019/09/18 17:24
何君堯天祿引渡惡法移交逃犯逃犯條例李八方ONLINE
小圖為矇豬部落fb圖片
成千年前嘅《莊子.徐無鬼》入面有一句：「夫為天下者，亦奚以異乎牧馬者哉？亦去其害馬者而已矣」，亦係成語「害群之馬」嘅出處。故事係講述黃帝問牧童治理國家之道，牧童就話治理國家同看守馬群差唔多，就係將危害馬群嘅馬趕出去就得。
成千年後嘅今日，fb專頁「矇豬部落」寫道，「一隻馬可以令到今晚所有賽事取消，搞到其他馬都無得跑，究竟呢隻係咩馬？」，解曰：害群之馬。
無錯喇！就係講緊被質疑勾結鄉黑嘅建制派何君堯所養，原本今晚出賽，名為「天祿」嗰匹馬喇。何君堯真係厲害，憑佢一己之力唔單止拉低咗議會質素，連佢養嘅馬都可以令堂堂馬會取消晒一整晚嘅賽事，果真非同凡響。