日本人氣組合AKB48將會推出第40張單曲，新歌雖然名為《我們不戰鬥》，不過，喺噚日公開嘅新MV片段當中，佢哋就齊齊打到飛起。成員個個變咗做武林高手咁，對抗一班蒙面敵人，柏木由紀等成員睇落就好似好好武功咁，而今次主唱成員島崎遙香，就有個扮到成隻大鳥咁嘅騎呢造型。

原來今次AKB呢個MV都相當之揼本，搵咗電影《浪客劍心》嘅導演大友啟史執導，大友導演仲好落心機咁，搵埋成個《浪客劍心》團隊嚟幫手，佢話拍呢個MV動用咗成百人喎。