【記者直擊】
沙田第一城估價插水，然而業主仍未死心，部份單位叫價高於銀行估價，或出現估價不足，若準買家接貨，事前宜做按揭預批，甚或預備更多首期。記者直擊一個內櫳殘爛散單位，不但叫價高於估價，還需花費大筆裝修費。
記者直擊屋苑45座低層戶，實用304方呎，放盤近半年，最初叫價380萬元，一個半月前減至360萬元，最近再減至345萬元。單位內櫳殘爛散，廚房尚可接受，惟浴廁不堪入目。客廳地腳線甩掉，廳中央地板凸起，拍攝期間，碰巧有睇樓客，他也不禁講道：「單位殘成咁，真是有排執！」估計全個單位裝修費數十萬元。

根據中銀及滙豐網上估價，對上述單位估值分別343萬元及321萬元。買家若以345萬元承接，會估價不足，銀行按估價貸款，或需支付更多首期。不過準買家事前若親身到銀行做預批，銀行為搶生意，有時會差幾個巴仙，亦借足按揭。
美聯物業黃錦瀚表示，沙田第一城目前約150個放盤，最平放盤為41座低層E室，實用284方呎，叫價328萬元，惟無樓睇。若有匙可睇，最平為40座低層D室，實用304方呎，叫價335萬元。