許瑋甯主演嘅電影《紅衣小女孩2》近排喺香港上映，日前許瑋甯同導演程偉豪來港接受訪問，今次除咗鬼嗰部份，仲會講心理掙扎同精神崩潰，中段仲會撞邪，角色困難度及精神耗損有增無減，導演程偉豪話瑋甯喺戲中表現睇起嚟好瘋！

好似其中有一場戲紅衣小女孩上咗許瑋甯同小女孩對話，有唔少人睇完之後，都覺得人瑋甯當時嘅狀態好似真係撞咗邪，完全唔係演戲，唔知喺現實生活又有冇呢啲經歷呢？瑋甯話：「今次我演角色比較像鬼，所以沒有碰到。」不過因為經歷咁瘋癲拍攝，搞到佢情緒一直處於唔好嘅情況：「一直都低落，回到嘉義自己一個人，不跟家人聯絡，不跟朋友出去，一直閉關，期間一個人到蘇格蘭8天、意大利到佛羅倫斯、威尼斯，用8個月慢慢才抽離，到上個月才清理得乾淨。非常長時間但總算走出來，好險。」