喺《哈利波特》（HarryPotter）電影系列扮演妙麗嘅英國女星愛瑪屈臣（EmmaWatson），向來係女神級質素，佢同牛津大學欖球健將MatthewJanney拍拖嗰陣，睇到佢哋喺沙灘嘅sweet樣，不知傷咗幾多人心。不過，原來佢哋嘅一年情已經玩完！

片約不斷嘅愛瑪要不時周圍飛，早前她曾被拍到搬入男友家同居，以爭取見面時間，可惜最終都難以維繫呢段感情，佢與Matthew已分手近一個月。愛瑪發言人證實兩人已分手，現維持好友關係，而剛甩拖嘅佢，現正身在阿根廷拍攝新片。