在人際關係疏離的現代化社會，難得仍找到鄰里互愛互助的感人故事。78歲的甘少霞婆婆早前去世，沒家人為其辦理身後事，幸獲大廈互助委員會代為奔走，只欠骨灰位未有着落。蘋果日報慈善基金接到互委會求助，安排從殮葬專戶撥款協助，讓甘婆婆入土為安，令一眾街坊安心，日後可一同前往拜祭。
東涌富東邨東盛樓互委會主席安先生稱，去年4月互委會從管理員得悉獨居於大廈一單位的甘婆婆身體不適，乏人照顧，當時互委會即提供食物。惟甘婆婆其後身體轉差，被送入瑪嘉烈醫院治理，入院後不久因肺炎離世。

盼親屬領回遺物

安先生憶述：「佢一直獨居，話過自己冇親人，以前做過小販。佢去咗之後，我哋搵過社署、警方，佢哋都話搵唔到佢啲屋企人。我哋真係唔忍心睇住佢嘅遺體冇人理，大家係街坊，住埋同一幢樓都算有緣份，平日都有打招呼。我哋幫佢向社署申請殮葬費，搞埋認屍、火化咁；等咗一年，終於排到政府骨灰位，不過就冇錢買位。」
蘋果基金得悉情況，從殮葬專戶撥款4,600元直接向殯儀公司支付甘婆婆的靈灰位、骨灰雲石盅等費用。安先生稱，甘婆婆的骨灰會安放在柴灣華人永遠墳場，他和街坊會在節日向婆婆致祭，也盼藉着是次報道，讓其親戚朋友得知情況，到互委會領回婆婆的遺物，了卻街坊們的心願。
殮葬專戶捐款編號：C0339

蘋果日報慈善基金
電話：29908688
傳真：37112468
電郵：mailto:[email protected]
網址： http://charity.atnext.com
捐款： http://charity.atnext.com/forms