范太指:「我睇到民主派出嚟講,都係因為梁生造成咁樣。今次事件一個客觀效果,不論我擁梁、反梁,我都要企喺暴亂者嘅對面,我係無可選擇,如果咁樣,你哋認為我係擁梁,我都冇辦法。」她自言如此下去只會被迫到「冇地方企」,認為不滿梁可用合法方式批評,又指香港是外向型經濟,社會不穩會影響經濟,「當日股市一開市就跌成千點,相信係暴亂影響」。
她指旺角騷亂中有人叫「香港建國」口號,因此中國外交部將香港本土派列為分離組織是可接受,形容示威者是「暴民」,不顧後果將磚頭掟向警察,她雖指不明仇恨何來,但認為年輕人「一方面俾人利用,俾人煽動,亦冇自律能力」。
她指青年人未必知悉全面情況,在網上發表偏激言論如「寧為玉碎 不作瓦全」,如此下去香港瓦都沒有一塊。她反問:「如果做嘅嘢係正義,當然願意真面目見人,亦都願意為自己行為負責,遮遮掩掩目的係乜?呢啲係勇敢嘅行為抑或係懦夫嘅行為?我諗香港市民心中有數」。
另外,被問及銅鑼灣書店李波失蹤案時,她指李波太太已經銷案,反問記者不斷追問,到底想問出甚麼來,又指若有人在香港被公安強迫回內地,是違反《基本法》,但她曾收過個案關於港人被捉回內地,後來發現是被內地生意拍檔禁錮,最後由公安營救,故目前未了解李波情況下沒法回答,希望李早日返港,屆時可以面對面問清楚。
■記者陳雪玲