【武漢肺炎】鄭中基爆粗鬧插水名醫：等湖北真係0感染先去支援
蘋果日報 2020/03/25 17:12
鄭中基盧寵茂武漢肺炎
鄭中基（Ronald）去年疑因拒當「護旗手」出事，廣州個唱兩度被延期，至今仍是遙遙無期，但他並無因此而退縮，繼續我行我素。本月9日是他的48歲生日，他選擇分享祝福，贈基層市民口罩及消毒搓手液。
今日Ronald忽然在facebook爆粗鬧爆某位名醫，他寫道：「插水名醫你行得未呀？可以去願望成真未呀？飛武漢班次4月復航係咪馬上出發呀？定等真係0感染先去呀？」
繼而Ronald再搞鬼打hashtag稱「插水都唔夠喉潛埋水呀」、「仲唔行等乜X」，又指某位名醫不用前往武漢，因為滯留湖北的港人已陸續乘包機返香港，「飛X晒嚟香港喇」、「畀地址嚟叫佢哋去你屋企醫巧茂」，不少fans紛紛在Ronald的FB留言助攻，更建議Ronald直接tag名，而討論區亦有熱論，網民揚言最愛暴龍哥。
《蘋果》翻查資料，今年2月15日團結香港基金在FB專頁，以《盧寵茂擬率團赴武漢支援抗疫》為題，內文指：「香港大學深圳醫院院長盧寵茂表示，正籌備率團前往武漢協助當地醫護及病人，目前已初步擬定團隊名單，人數約共十多人，包括部分香港醫護人員及港大深圳醫院的醫護人員，目前正有待與內地政府商討安排……」願意率隊做「逆行者」赴武漢抗疫，言之鑿鑿，不過本月9日又有官媒再次以「盧寵茂：每天都盼望帶隊支援湖北」為題，再次報道此人盼望到湖北，文中指盧寵茂說隨時可以前往前線支援。
再看Ronald文中提到的「醫巧茂」明顯意有所指，用心良苦提醒熱心救人的醫生，飛武漢班次4月復航！
網民留言助攻（FB截圖）
團結香港基金在facebook專頁的帖文（網上截圖）