759阿信屋成立至今8年，為香港零食市場開創新一頁，訂立了不少「新秩序」。創辦人林偉駿打破行規、言論貼地，赢得港人不少掌聲。《蘋果》綜合了阿信屋的7大熱賣貨、5件大事，及林老闆的9大金句，讓讀者們一同重溫阿信屋與林老闆的點滴。

阿信屋分店資深店員推介的7大熱賣貨*：

1. UCC117 即溶咖啡　原產地：日本　售價：22.9元
2. 日清出前一丁麻油麵　原產地：日本　售價：42元兩件
3. 759阿信屋真味烏冬5件裝　原產地：韓國　售價：22元
4. Mother鹽燒海苔　原產地：韓國　售價：32元兩件
5. BOSOMI嬰兒加護保濕紙巾　原產地：韓國　售價：18.5元兩件
6. CJ強力小麥粉（麵包）　原產地：韓國　售價：23元兩件
7. 759阿信屋有機甘栗仁　原產地：中國　售價：25元兩件

*價格以各分店最新售價為準

得到大眾關注的5件大事：

1. 對抗大商家成名
要數到阿信屋「成名作」，不得不提維他奶（345）於2011年要求阿信屋旗下產品跟隨超市的至抵價，林偉駿拒絕因而被停止供貨，同年年底太古可樂施壓，要求阿信屋將罐裝可樂售價由2.7元加價至3.8元，阿信屋就範，惜最終仍停止供應所有飲品給阿信屋，阿信屋遂從日本等地直接進口產品。雖然事件令阿信屋貨源減少，卻贏得消費者的同情分。

2. 踩過界開茶餐廳、麵包、化妝品店
2014年及2015年為阿信屋的豐收年，兩年分別賺2377及2770萬元。當年公司接連踩過界開超市、化妝品、麵包、車仔麵、茶餐廳及家品店等。其中公司在2013年12月於銅鑼灣開設首間化妝品店KAWAIILAND，引起莎莎（178）及卓悅（653）注意，更成功令莎莎減價抗衡。惜擴大「戰線」後兩年，後勁不繼，現時KAWAIILAND僅剩餘4間。

3. 撐佔中學生
2014年，林偉駿重提佔中事件，他指：「佔領運動同打風一樣，做生意嘅人要抽個身出嚟睇件事！」他以碼頭工人罷工也影響其日本貨源為例，指當時生意也可維持，強調要懂變通，「我覺得唔好搵（佔中）嚟過橋，佔領咁多日，因為交通而遲開舖嘅唔多過五單，我有210幾間舖喎！」林偉駿指生意人對佔中應該尊重雙方意見，不應為事件火上加油，「你咪當打一場三日嘅颱風，冇理由捱唔到。」

他更不諱言，佔中事件對香港未來是一件好事，站出來的學生有理念和思想，為香港帶來一班新的政治人才。但報道一出，即惹起反佔中人士不滿，更在社交網站專頁貼出他的訪問，呼籲市民罷買，但反應冷淡。

4. 叫停減價惹市民不滿
2016年4月，林偉駿指由於日圓回升加上市道轉差，「繼續落去會頂唔順」，故下月開始會將店內大部份貨品劃一以公價發售，提供的會員正價9折優惠將會取消。他表示，日圓回升推出「689折」優惠對公司影響非常大，「你都唔想見到689啦！」叫停折扣消息引起市民強烈反彈，揚言罷買，更有網民直言：「打開了結業序幕！」，不過，叫停減價後兩日，林偉駿即「跪低」，翌日推出新會員優惠。

5. 執笠疑雲
2016年8月，網上突然傳出「收縮已經開始，759將會全線結業」的文章，為內容農場的假新聞。林偉駿直斥該篇文章完全為「惡作劇」，「純粹惡搞，唔知出於咩原因，無必要理會」，又指文章引用錯誤數據，「阿信屋今年蝕2000幾萬，佢入面寫我地蝕6000幾萬」。 受假消息影響，公司當日股價最多曾急跌5.6%。

林老闆的9大金句：

講大財團
「幾個有錢人就可以包起香港人的衣、食、住、行，甚至連商場、舖頭都係佢哋嘅，只要佢哋唔畀我地方擺賣，我連入場券都冇。」

「消費者一直蒙在鼓裏，小店亦一直為他人作嫁衣裳。」

「租金係一個定時炸彈，雖然我唔會主動引爆，依家已經開始自己爆！」

講生意

「跌咪跌囉，呢排特別多朋友走嚟安慰我，如果個個都為面子去死撐，死撐就真係玩完啦！」

講管治理念

「我視自己唔係做老闆，都係打工，呢份工的責任好重。我係一個親力親為嘅人，不論做零售或做廠，親力親為，夥計都會緊張啲。」

「當初搞阿信屋時，已決定咗唔會出售上市公司，唔會有賣盤的可能性！」

講政治

「喺董生（董建華）年代，我已經覺得佢（梁振英）有機會，我同伙記講，呢個人好似好特別」，其後指「但呢個機制，董生都企唔住，其實佢地係咪好難做，同埋上面係咪有啲要求，有啲嘢，唔係佢自己想係咁，人在江湖，從呢個角度睇。」

講民生

「香港貧富懸殊厲害，堅尼系數係世界級。阿信屋目標係賺錢，但如果低價政策能幫到消費者，我哋會好開心。共產主義追求公平，我依家仍然信奉早年毛澤東嗰套。」

講退休

「我一直強調60歲就要退休。做老闆有很多重大決定，其實都係政治決定，我唔想喺頭昏腦漲時繼續掌權。

記者：梁延宇、邱曉欣

全球樓行 Dream House零距離
https://hk.feature.appledaily.com/overseasproperty