於1970年代出道嘅張武孝（大AL），曾經有20年離開咗娛樂圈，佢話嗰時主力做餐飲娛樂，其中喺泰國4年，幫人喺曼谷搞咗間好大嘅夜總會，喺天津搞5星餐飲、東莞搞度假村，佢話：「主要負責管理宣傳，之後返香港又俾人叫番唱歌。拍吓散劇同電影，最近拍咗劉德華監製嘅《香港華爾街》，幫TVB拍咗套《兄弟》，戲入面視帝王浩信做我個仔喎，仲有攞獎嘅朱晨麗。」

講起佢個「囝囝視帝」王浩信，大AL話自己個仔Hayson有樣嘢王浩信真係好似：「浩信1.88米，囝囝1.9米，所以見到佢，真係好似我個仔，大家都咁高。」大AL話Hayson已經19歲，讀緊大一，至於個女Turbie就讀緊大二，大AL自言畀好高自由度對子女，大家都係稱兄道弟，易溝通：「大家傾偈方法都好似朋友咁，『大哥點呀，畀下面啦』，當然嚴重嘅，就要做番爸爸責任，個仔都鍾意唱歌，有feel，係唔識用聲。兩個都好鍾意日本歌，唱得好準。」

精選娛聞，喺晒《娛果》
http://fb.com/appledailyent