當年今日
關於我們

【幸福人妻】陳爽巴黎度31歲生日 老公神秘現身扮禮物

蘋果日報 2014/06/22 06:00

蘋果微博人妻老公陳爽朱璇即時

蔡少芬今日先至喺微博晒幸福,話剛抵達上海,早一步抵達上海嘅老公張晉唔聲唔聲到現場,但蔡少芬就話:「張生……謝謝你!但下次可以別在家人聊天組處說出來嗎?我裝不知……其實幾辛苦的!」

蔡少芬晒完幸福,輪到另一人妻陳爽喇。陀緊B嘅陳爽日前同好友朱璇去咗巴黎玩,不時喺微博晒靚相(都係陳爽一貫作風啦)。咁老公Anthony呢?去咗邊?原來Anthony一早有晒planning,將自己變成禮物,送俾老婆大人做佢份31歲生日禮物呢。

陳爽方才於微博寫道:「坐了一夜的飛機,在我生日的早上,他出現在我巴黎公寓的門口,帶著鮮花,禮物。忽然世界變得更加明艷美麗,一個星期未見,好想念,好溫馨,好踏實。謝謝老公,還有一個月前已精心訂好的MiniPalais大餐,與你度過了又一個難忘生日。」嘩,冧到暈啦今次!