由李棟旭、鄭麗媛主演嘅tvN新劇《泡泡糖》今日喺韓國首爾舉行記者會，兩位主角喺記者會上表現得好親密，合拍地拖住手仔大擺心心甫士，認真甜蜜。

劇中李棟旭會飾一名醫院院長，而鄭麗媛就飾演一名電台PD，佢哋本身係青梅竹馬，之後再發展成為戀人。今次喺二人自12年情拍過情景劇後再次合作，劇集將於下周一首播。

而李棟旭喺記者會上就話：「麗媛有一句名言，話男人同女人能夠成為朋友，係因為其中一人將自己嘅心意隱藏到最後。」不過李棟旭雖然唔多認同男女可以做到朋友，但佢就話自己都有唔少女性朋友，並話：「麗媛係朋友，同宋智孝都好親，今日佢仲突然問我能不能出演《RunningMan》，因為佢要叫認識嘅人出演特輯，我話去製作發表會唔得，於是就直接掛斷電話。」即時笑爆全場。

對於再次合作，李棟旭就大讚鄭麗媛嘅樣子同12年前一樣，李棟旭話：「雖然久咁耐再合作電視劇，但係之前有一齊主持過演技大賞嘅活動，所以再次合作好有默契，0依家拍攝都好愉快。」而鄭麗媛就話自己特別渴望能夠出演同佢本身性格相似嘅角色，佢話自己一直希望飾演性格開朗嘅角色，所以遇到《泡泡糖》嘅劇本後，即時二話不說就答應接拍。