錢嘉樂、謝霆鋒、張家輝今日由台灣參加完金馬獎返港，嘉樂憑《車手》奪得最佳動作指導獎，佢一抵達香港機場時，興奮得馬上拎個獎座出嚟同大家傳媒分享喜悅，佢話：「個獎好重，好彩我兩個拍檔嘅獎座有林生（林建岳）幫我用私人飛機運番嚟！」

問嘉樂仔點解唔同林生一齊搭私人飛機返港？佢話：「林生都冇叫我坐，希望以後有咁嘅機會啦！」噚晚湯盈盈雖然冇陪佢出席金馬獎，嘉樂表示：「老婆喺香港同親友吃飯，知道我得獎後，仲開心過我！」