日本電影《屍殺片場》贏盡口碑，當地票房更破31億日圓，令導演上田慎一郎及一眾演員事業齊齊起飛。

《屍殺片場》大收旺場後，片中女星秋山柚稀、主濱晴美、真魚、竹原芳子均獲簽新事務所發展，37歲男主角濱津隆之早前雖表示仍以自由身接job，目前仲搵緊事務所，但濱津過去半年卻工作量大增，劇集及片約不斷，又踩過界拍MV。

最近，濱津就為朝日電視台拍攝賀年劇《幕末最大之謎 坂本龍馬暗殺、完全實況》，唔止挑戰古裝造型，更以《屍殺片場》嘅一鏡過形式拍攝一場8分鐘戲份。由於濱津已成為影視界忙人，佢早前在公開場合透露已辭去兼職，現時唔使再靠去時鐘酒店清潔廁所維生。

精選娛聞，喺晒《娛果》
http://fb.com/appledailyent