【本報訊】市區重建局向城規會申請在上環H19重建範圍內，包括士丹頓街、城皇街一帶清拆全部唐樓，興建兩座逾20層高大廈。中西區關注組稱，市建局2013年曾承諾保留該區風貌，但今年4月以運輸署指該區馬路太窄、要擴寬馬路為由提出全面清拆，是出爾反爾。

《華僑》創辦人委葡名師設計

關注組羅雅寧表示，翻查屋宇署建築圖發現士丹頓街88至90號唐樓業主是《華僑日報》創辦人岑維休及陳楷，他們於1950年委託著名葡萄牙籍建築師A.H. Basto設計。該幢唐樓1951年建成，岑陳兩人曾居於該處，「88至90號同《華僑日報》有千絲萬縷嘅關係，咁啱同隔籬修復嘅新聞博覽館有關連」。關注組成員張朝敦稱，士丹頓街88至90號唐樓四面皆有窗戶，且唐樓每層背後兩邊都設有弧形露台，「喺普通唐樓都好難搵到一個咁別致嘅騎樓」。
公民黨立法會議員陳淑莊批評，曾承諾保留該區風貌的市建局無明確解釋全面清拆唐樓的理據，「要起嘅規模係大幅偏離原本嘅承諾，因為改咗個規模要令到88至90號要做出入口，係要改變成個發展規模，所以唔好借運輸署過橋」。
中西區區議員鄭麗琼認為，該區充滿舊城氣氛，不單有國父孫中山舊居，又曾是香港報業及印刷業的中心，「香港係一個革命嘅搖籃，一路行落去其實中西區畀咗好多啟示，真係拆咗呢棟樓會冇晒啲記憶」。關注組促請城規會否決市建局重建方案，保育該區唐樓，以配合舊城報業及印刷歷史。
■記者彭愷欣