【武漢肺炎】鄧洢玲美容院Keep住蝕 直言唔使執已算好彩
蘋果日報 2020/03/12 23:01
陳蕊蕊鄧洢玲
武漢肺炎下，令營商環境百上加斤，本身開設美容院的鄧洢玲（阿旦）也遇同樣問題，今晚她與陳蕊蕊、陳紫竿到土瓜灣出席電競比賽活動，阿旦指近日忙於舖頭生意：「忙唔係生意好嗰種忙，係救亡生意嘅忙，睇下有乜防疫工作做好，可以招來顧客。」她坦言美容院生意大跌7成，因為少了人出街及沒有旅客等，幸好仍有一班買了月票幫襯的熟客繼續支持。
阿旦的美容院有不少員工，大家都減少了上班時間共度困難，而她亦沒有要求員工放無薪假，盡量令大家有工開。阿旦指現時每月蝕5位數，但她覺得相比起不少街舖要結業，自己已經算好彩，早前她親筆寫信給大業主，希望能夠體諒減租，她說：「大業主係一位90幾歲伯伯，佢好有人情味，而家未知減幾多，要等佢同成幢租戶傾完先決定。」
陳蕊蕊近日因插花堂及演技堂相繼暫停，所以多了時間待在屋企，唯有機不離手上網打機，問到有否付錢玩遊戲？她尷尬笑說：「有，今年初到而家畀咗200幾蚊，其實7、8年前初入行，試過半年畀咗成千蚊。」今次迷上打機，原來是跟正了解中男士一齊玩，問到有否收看舊愛金剛在ViuTV的節目《金剛女神團》？她說：「冇留意到，如果知道，有時間都會睇。」
採訪：馬建華、攝影：沈健程
（攝影：沈健程）
（左起）鄧洢玲、陳蕊蕊及陳紫竿，今日到土瓜灣出席電競比賽活動。
阿旦指最近寫信給大業主，希望對方能夠體諒現時的環境減租。
陳蕊蕊指沒留意舊愛金剛的新節目。