【集集挑戰騎呢扮相】桐谷美玲新劇收視慘淡 美女扮醜救亡
桐谷美玲成田凌人100%靠外表
日本人氣女星桐谷美玲嘅叫座力開始備受質疑,事關由佢主演嘅富士電視台劇集接連仆直,目前由佢夥拍水川朝美、上位諧星Buruzon Chiemi、型男町田啟太及成田凌合演新劇《人100%靠外表》,開播以來收視慘淡,就算入圍全球百大美女嘅桐谷美玲每集都落力醜化自己,可惜都未能帶起收視。
《人100%靠外表》首播只得9.5%收視,之後各集也處於單位數,分別錄得6.4%、6%、5.5%、6.5%平均收視,而噚晚播出嘅第六集,收視又再下跌0.1%,僅收6.4%。
呢套劇改編自久保裕美同名漫畫,作品於2014年開始喺漫畫雜誌《BE LOVE》連載,故事講主角城之內係個製紙公司研究員,佢同兩位女同事對扮靚莫不關心,互相影響才開始對時尚及美容感到興趣,劇中有唔少扮靚貼士,擺明只針對一班年輕女性觀眾。