一個倫敦，兩種心情。對比輸波嘅車路士，灰機扯白旗嘅干地，熱刺教練普捷天奴就開心返哂！事閞佢帶領嘅熱刺經歷英超四場不勝後，噚晚終於喺主場溫布萊球場大勝史篤城5:1，前鋒哈尼卡尼更加梅開二度添。

賽後普捷天奴大讚球隊表現，「今日熱刺喺踢出應有水準，但如果想打入前四，就一定要依家到季尾，都打出咁樣嘅水平。」另外，普捷天奴提到熱刺球員因為上季歐戰災難級嘅演出，所以希望今季可以喺歐聯打返好啲，證明有力喺歐洲賽場佔有一席位，分心搞到英超踢得唔好，但歐聯下年先再踢，依家會全力專注返英超。

雖然，熱刺贏波之後，都落後榜首曼城15分兼踢多場，而普捷天奴亦一早投降，仲畀雲格寸添，不過依家開動務實爭前四mode，雲爺爺都要小心呀！

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM