Shine嘅徐天佑早前小登科，而拍檔黃又南早前被拍到，與一名貌似梁靖琪（Toby）嘅女仔現身青衣邨，兩人坐喺又南架紅色Audi座駕入面短聚一粒鐘，全程有講有笑，相處得好開心，之後又南坦承同個女仔發展緊。

話晒係媾女戰車，當然要乾乾淨淨先見得人，早兩日記者見又南一個人，揸車落去銅鑼灣加路連山道車房，幫架Audi戰車洗白白。咪以為佢搵車房啲人洗喎，其實係又南自己落手落腳省靚架車，見佢又踎又跪，兼唔怕濕身出盡力擦，就知佢有幾愛錫呢個「老婆仔」。