應屆冠軍騎師莫雷拉將於周三及周六（20及23日）停賽，意味着本周兩次賽事將有大批惡馬，落入其他騎師之手。

睇睇周三谷戰排位表，發現獲最多支持的騎師，唔係潘頓或田泰安，反而係華將一哥梁家俊，佢全晚八場出足，睇嚟呢位準爸爸靚仔騎師贏完一級賽（香港一哩錦標）後，事業正處高峰，叫座力亦相應提升。

今朝早（18日），鏡頭影到梁家俊練馬師蘇保羅並肩而談，過程中家俊不斷點頭，似乎接收到一些重要信息。

呢對昔日師徒將於周三第二及三場，順序合作初出馬「環翠戰士」及六歲馬「金碧旺旺」，亦係兩人自11月19日賽後以來首度合作。

雖然蘇廐今季成績暫未如理想，但憑梁家俊近排旺勢，有望為此廐增加頭馬。