由《蘋果動新聞》舉辦第一屆《最港電影大獎》頒獎典禮於下午12點15分開始，吳君如及杜琪峯為頒獎嘉賓，司儀先講其實香港人好撐香港電影，蘋果都唔例外，好想表揚一啲香港電影人，今日會頒發5個大獎跟住司儀邀請頒獎嘉賓吳君如上台。

君如一上台就話見台下嘉賓好有份量，頭先同華仔講佢哋真係好重，回想自己拍咗30年30年港片，覺得今日呢個頒獎禮好別出心裁，之後君如先頒「我最喜愛港片」，由劉德華憑有份監製及主演電影《拆彈專家》代領，華仔笑言：「大家都呼之欲出，真係好surprise，導演忙緊電影創作，恭喜佢，咁多年終於為香港電影，亦達到佢心嘅目標。」

劉華上台拎獎嗰陣，就同老友君如開玩笑，君如話：「你驚喜啲呀，你喊呀!」搞到華仔哭笑不得。

場地：香港東隅