林作報喜霍小姐成功打入港姐第二輪 阿媽望仔娶港姐冠軍入門
林作 林母王莉妮 港姐第二輪
Your browser does not support the video tag.
林作連日興奮力撐Kirsten,昨晚更在FB留言:「突發:霍小姐成功打入第二輪!全港市民!我哋一齊集氣推爆佢成為今屆冠軍。」網民以為「東涌羅浩楷」Kirsten可以有第二輪面試機會,反應熱烈,網民議論紛紛,「梗係啦收視保證」、「佛光加持」、「oh my God,一個爛台要去到盡」,Kirsten的面試相更成網民潛力圖。
事隔1小時後,林作再出post「加油!你承載着成個東涌嘅希望。你係東涌之光!」不過當發現林母Lily都提名一名霍小姐時,不禁令人生疑到底哪一位霍小姐可以參加第二輪面試?《蘋果》向林作求證,他才說:「係媽咪嗰個,我提名嗰位希望佢吉人天相。」林作此言,顯示他跟Kirsten似乎不熟,到底他們怎樣結識?林作回答:「我未見過佢,同佢唔熟,只係有網民托我提名佢,我又願意。我覺得佢實在太震撼,僅僅如此,我對佢好有信心。每年都好多人介紹女人叫我提名,我唔需要見,已經認定係佢,有啲嘢一眼定情。」
林母Lily今日接受《蘋果》電話訪問時大讚「契女」霍穎璇有冠軍相:「我覺得佢生得好可愛,樣子好甜又清純,我好鍾意佢,你哋要多啲提點同幫佢,我仲希望佢做我新抱!」林母Lily繼續嫌棄林作現任女友裕美,始終不肯嘗試接受她,林母Lily續說:「哈哈,我喜歡港姐多啲!」
林作搶先爆霍小姐有機會參加第二輪面試。(FB截圖)
林作自爆受網民所托才提名「東涌羅浩楷」霍韻璇參選港姐。
林作媽咪Lily希望霍穎璇當選港姐之餘再入門做新抱。
-----------------------------